Portrait of a Dreamer

'Wanbol University revisited'
(O back to Iskul Bukol)
I-Witness ni Jay Taruc

Sinong makakalimot sa probinsiyanong estudyante na si Victorio Ungasis? Sa mga raket ng magkapatid na Tito at Joey Escalera? O sa katarayan ni Miss Tapia?

Mula noong huling bahagi ng dekada sitenta hanggang dekada otsenta, walang patid na sinubaybayan ang sitcom na "Iskul Bukol'. Number one siya sa ratings nang mahigit isang dekada.

Dito lubusang sumikat sina Tito Sotto, Vic Sotto at Joey de Leon. Nakilala rin ang mga komedyanteng si Marissa Tagasa na gumanap bilang Miss Tapia, si Redford White, Tonette Macho, pati na si Richie da Horsey.

Ngayon ay muling nauuso ang theme song ng Iskul Bukol at mabili ang mga produktong nakatatak ng Tito, Vic and Joey. Kaya panahon na ring balikan ang Wanbol University ... kasama sina TVJ sa dokumentaryo ni Jay Taruc ngayong Lunes ng hatinggabi sa I-Witness.